Donald

有錢有幾好？唔洗打多幾隻字同你慢慢解釋啦。

不過，有錢時還要自己出出力才可願望成真，像JUNO！

有彈藥的確可以爭取更多機會，但有機會時還真的需要你落手落腳做。

就算你有一級排舞師教你跳舞，你都要出力郁嫁。

就係你有一級音樂人為你造歌，你都要出力唱嫁。

一口氣欣賞過麥生嘅新唱片，當然覺得當中由張繼王苑周國倫永大飛到老拍擋馮穎王雙jerald所造嘅歌曲夠力新奇勾心好聽，

但十二首歌中最能令我留下深刻反而係麥生自己寫嘅歌曲「假使不可一起安息」！

好耐無男人歌令我起雞皮喇！對上一隻應該係謝霆嘅玉蝴蝶嘞！

你又會鍾意邊一首呢？

有機會大家留意下蘇蘇同我嘅節目入面點樣推介呢張「ＷＨＹ」唱片吧。

係咁！

有無錢都努力啦!

P.S 唯一要鬧d歌詞好無唔印喺黑面上呀，睇死人咩大哥！黐晒地呀潮人！

電視劇中有很多不能理解的歪理，

想不到現實原來有更多不能接受和明白的歪理！

女人有錢身痕？

還是說這句說話的男人，才是真真正正有錢身痕的人呢？

不要拖小丑落水，因為小丑是帶歡樂給大家的人啊！

真係睇戲咁睇！

世界變，美國總統選舉即將開始，為未來世界的新方向留下了一個契機。

903將有節目調動，先來是三一萬能俠中真正飾演「萬能」的朱薰被借到去當晴朗的主持，

相信林公子他們一定會好好照顧這個小妹！我反而擔心是，她會不會忘記我們呢？

哈哈！好好享受早睡早起的健康生活吧！

另外，因為三缺一的關係，我們要立即調製新人上陣，青木急急子，今天的表現還可以吧！

雖然沉默的時間比較多，但能對著兩隻嘢而不怯場經已很好呢！當然，日子一天一天的過，我們的要求也會提昇！

記得早在遠古之時，帶著我的大師姐蘭茜教我，準備功夫不只是寫低自己的point便足夠，有時還要預計對手的反應從而再交波！

簡單的小測驗，試試自己一人分飾兩角講故事，互相接波便慢慢學會與對手對答了！

世界變， 有覺唔瞓扮正經教新人....

世界亂，但要臨危不亂!

適量消費，推動經濟!

左手入，右手出!

錢先會繼續嚟!

第二回六合彩攪珠結果係：

呀....好過無啦！比上一次好少少！

但仍要努力！

我諗，仲要好多好多嗰隻添！

似乎Lomo相機呢一科嘢對我嚟講仍然似係買六合彩！

靠撞彩！

是不是不夠喉呢？野仔應澳門文化中心邀請出席Hush 2008 Full Band Show，

為該馬拉松式音樂會打頭陣演出。

來自澳門和香港的樂迷完全不怕酷熬天氣警告，熱情支持著野仔！

野仔在搭建得有型的大型舞台上落力演出！

大家都在大會的吊臂攝影機和巨型電視看到他們滿足的表情。

不過可能是因為時間太少了 ，野仔一口氣只唱了五首歌，不夠喉吧？

於是，完騷後大伙兒走到澳門各處吃，又豬排飽又咖哩又蟹麵又木槺布丁又炸魚球又大菜糕...吃吃吃吃吃吃吃過不停！

直情係黐咗線！

今個中秋，相信是我們創下同一天內，吃下最多餐的一日 ！

覓食兵團繼續掃街！

來自日本的中秋禮物，

吃不到的心意！

日本鹿兒島上空的月亮，

祝你中秋快樂！

和毫子於鹿兒島的停車場，按動多次快門的成果！那個為了手部穩定而作的深呼吸真的...很深！

哈~~~~ 映！

在她來港前的這兩個星期，不如好好的再把她的歌練習多一遍吧！

可惜香港的天氣還是很熱，不然你也可以用青山小姐的打扮去看她的騷啊！

是傳說中的新一代Mini Cooper嗎？即將在2008巴黎車展現身的新一代Mini，

加添了科技感又保留經典外形的結合！

很有型呀！

Mini Cooper就是有這個神奇力量，當你擁有其中一個年代的Ｍini後，

有時你便會想想：「不如也買下上一代的古董型號吧？」

至少開著R56的我，看著其他老大哥型號在道路上出現時，會有這個想法！

留意車尾門是一幅的展開。

(c)BMW Mini Cooper

記得小時候迷過他們，雖然還未想清為何直過光的我居然會愛上他們，但就是迷他們，買唱片，背歌詞，而且要走到荷理活商場買他們的日本版唱片！有誰可以紅到在無線新聞中出現呢？我想只有他們吧！？

New Kids On The Block!

世界各地男子組合的大師兄！

They Are Back，仲同埋Ne-Yo合作！

新歌Single好唔好聽經已唔重要，最重要係令我「開心返埋嚟」！